HomeSashen HausaSojojin Najeriya sun ceto ƴan mata 12 da aka sace a Askira/Uba...

Sojojin Najeriya sun ceto ƴan mata 12 da aka sace a Askira/Uba da ke Jihar Borno

-

Rundunar Sojojin Najeriya ta ceto wasu ƴan mata 12 da ƴan Boko Haram/ISWAP suka sace a yankin Mussa da ke ƙaramar hukumar Askira/Uba, a jihar Borno.

 

Ƴan matan, masu shekaru tsakanin 15 da 20, an sace su ne a ranar 23 ga Nuwamba yayin da suke aikin girbi a gonakin iyayensu. Sanarwar rundunar ta ce an ceto su ne a ranar Asabar, 29 ga Nuwamba, ta hanyar wani gagarumin samame na musamman da rundunar Operation Hadin Kai ta kaddamar a kudancin Borno.

 

A cewar rundunar, an kwashe waɗanda aka ceto zuwa wata cibiyar tsaro ta musamman domin duba lafiyarsu, kula da su ta fuskar lafiya, kafin daga bisani a mika su ga iyalansu.

 

Sunayen waɗanda aka ceton sun haɗa da: Fatima Shaibu (mai shekaru 17), Fatima Umaru (mai shekaru15), Hauwa Abubakar (mai shekaru 18), Saliha Muhammed (mai shekaru 15), Sadiya Umaru (mai shekaru 17), Amira Babel (mai shekaru 15), Zara Adamu (mai shekaru 17), Nana Shaibu (mai shekaru 15), Zainab Musa (mai shekaru 18), Zainab Muhammed (mai shekaru 17), Jamila Saidu (mai shekaru 15) da Hauwa Hamidu (mai shekaru 17).

 

Hedikwatar Tsaro ta yaba wa dakarun ta masu jajircewa da gaggawar daukar mataki, tare da nuna godiya ga al’ummomi da masu ba da bayanan sirri da suka taka rawar gani wajen ganin an kubutar da waɗanda aka sace.

 

Sojojin na ci gaba da farautar ragowar ’yan ISWAP a yankin domin hana sake kai hare-hare da kare rayukan fararen hula. Rundunar ta kuma ƙara kira ga jama’a da su ci gaba da ba da sahihan bayanai da wuri domin taimakawa yaki da ta’addanci a yankin.

LEAVE A REPLY

Please enter your comment!
Please enter your name here

LATEST POSTS

’Yan bindiga Sun Kashe Wata Mata Tare Da Sace Mutane 3 A Kano

Wasu ’yanbindiga dauke da makamai sun kai hari a kauyen Yankamaye da ke cikin Karamar Hukumar Tsanyawa a Jihar Kano, inda suka kashe wata mata...

‎Rundunar ‘Yansanda Sun Daƙile Yunkurin Harin ‘Yanbindiga a Katsina, Sun Ƙwato AK‑47 Biyu da Harsasai 24

Rundunar ‘Yan Sanda ta Jihar Katsina ta samu babban nasara a ranar 29 ga watan Nuwamba, 2025, bayan da ta daƙile yunƙurin wasu da ake...

Most Popular