Rahotanni sun bayyana cewa wasu ƴan Najeriya biyu – Hamzat Kazeem Kolawale da Mbah Stephen Udoka – sun rasu a ƙasar Ukraine yayin da suke fafatawa a matsayin sojojin haya a ɓangaren Russia.
Majiyoyi sun ce mutanen biyu sun shiga aikin sojan haya ne a lokacin da ake cigaba da yaƙi tsakanin kasashen biyu. An ce sun mutu ne a fagen daga, sai dai ba a fitar da cikakken bayani kan yadda lamarin ya faru ba.
Har yanzu babu wata sanarwa a hukumance daga mahukuntan Najeriya kan lamarin, yayin da iyalai da abokan arziki ke jimamin rasuwarsu.
